Prezıdent Qasym-Jomart Toqaev Germanıaǵa jasaǵan is saparynda álemdik naryqtaǵy ahýaldy, terorızmdi jáne Taıaý Shyǵystaǵy jaǵdaıdy Múnhen qaýipsizdik konferensıasynda talqylady. Olar tek jahandyq máselelerdi ǵana talqylaǵan joq. Sonymen qatar Qasym-Jomart Toqaev Germanıanyń alyp bıznesmenderimen de kezdesken.

Astana telearnasynyń málimetinshe, Prezıdent birneshe saǵattyń ishinde birneshe iri kásipkerlermen kezdesip úlgergen. Olardyń ishinde "SIEMENS" basshysy Djo Kezerde bar. 1994 jyly nemis alyby alǵashqylardyń biri bolyp Qazaqstanda óz fılıalyn ashqan. 

–  Qazaqstan nemis kásipkerlerin tartý úshin, qoldan kelgenniń bárin jasaıdy,– dep Toqaev ótken jyldyń jeltoqsan aıynda Germanıaǵa jasaǵan is saparynda aıtqan bolatyn.

Elde shetel kásipkerleri úshin arnaıy salyq rejımi men tıimdi ınvestısıalyq jaǵdaı jasalǵan. 

– Men úshin jáne prezıdent úshin ekonomıkany ártaraptandyrý mańyzdy. Biz álemniń eń danyshpan tulǵalaryn elimizge tartyp, ekonomıkalyq ósimdi arttyrýǵa qoldan kelgen sharanyń bárin jasaımyz. Árıne, bizge kepildik qajet. Túrli sanksıalar men terorıstik janjaldar jaǵdaıynda turaqtylyqqa qol jetkizý ońaı emes. Qazir álem óte qıyn jaǵdaıdy bastan ótkerýde. Eýro odaqtyń syrtqy baılanystar jónindegi keńes prezıdenti Rıchard Natan Haas Qazaqstannyń kórshiles memlekettermen qarym-qatynasyna qyzyǵýshylyq tanytty, – dedi Qasym-Jomart Toqaev.